發新話題
打印

唔慌唔顛

唔慌唔顛

虬髯客
2004-06-14

最近有很多老友讀者,紛紛致電本客,內容儘是問有否看到黃XX被圍揪?超哥仲日日揾本客,更形容甚麼紫禁之顛,葉孤城大戰西門吹雪!本客其實跟各位一樣,想睇吓葫蘆賣甚麼藥。顛就真係幾顛,不過真係睇見就人都顛!亦慨嘆業界能用筆鋒者,屈指可數!唉!真替肥仔張難過,甫一出場即中刀死,真係英文話I AM SORRY FOR YOU!深表遺憾!十足武打片果D咖哩啡嘍嗦,一刀一件。好心自量吓啦,呢亭嘢唔係你呢亭料去參與者!更何仿仲學人去撥火忝?真個蚾蜉撼樹飛虫撲火!咪以為職位高就等同文化水平高先至得㗎!乖乖地做番自已份內嘢,鞏固一吓內部權力同自已地位把喇,呢D嘢唔係你玩嘅!

記得有套番鬼佬戲,約莫叫做「ALL THE ROLES PLAYING UNDER GOD」,本客不記得中文片名譯作甚麼,意思是上帝下各人的角色吧!先講本客老友超哥,佢其實一則為神功,二則為弟子!一個人二條心原本無可厚非,但佢衰在吹得重了手,就係人都睇出佢條搏出位嘅狐狸尾,我在想,大哥大遲早封佢咪!王XX仲過引,明明對住超哥仔篇嘢,响電話度都仲話:「吓!你篇嘢?哦?乜你曉得寫嘢嘅孭?好的!拜讀拜讀!嘻嘻!」,講完相看,連燒賣都噴番出嚟忝!差D交換燒賣食!講老實話,王XX亦知佢藉勤王利用自已或會「還拖」搏出位呢亭技倆。至於西門,其實真係唔想覆文,佢老哥係穩紮穩打見稱,為人低調,二個老細,手掌手背都無謂得罪!當然,作為國師,現役老細俾人日日抹黑,再不出陣表態,始終難免被人非議,亦會被大哥大懷疑政治不確,更何況不懂世情和政治的超哥正作紅衛兵式的搖旗吶喊。當然,西門亦很清楚大哥大最識利用貧下中農紅衛兵等之流,去達至其引蛇出洞,清洗內部反動勢力的政治目的。故此西門亦被譽為真正識時務揾食之金勞(襟撈)一派者!中國政壇稱之為「風派」是也!

甚麼決戰,純粹超哥你一廂情願而已!人家西門一額冷汗,以烏紗作回應,真個百般感受儘在心頭。真係唔慌唔顛!連細路仔飲湯既往事都出埋。嗱!呢D就叫做自我審查嘞!難為超哥逢人便叫睇嘢。超哥你成身毛章臂章,一旦主席搞定壞五類、黑五類之後,紅皮書仔到時都幫你唔到!因你以紅衛兵之身去衝擊各大衙門、揪斗首長及燒國寶文物之時,除了破壞秩序、得罪各大官僚及公司文化外,最壞的是存有私心,主席是最不喜歡紅衛兵去承機拈上一手的!王XX若是要害超哥一把,就覆他一下,捧佢去靶場做個沾沾自喜的歡樂鬼,可他不知為甚麼滿身毛章、而且還不時高呼毛主席萬歲的紅衛兵究竟會落得個如斯下場—子彈窿比毛章還多!

超哥!醒吓喇!人哋二大高手日日都响度比試,我係話大哥大與王XX呀!你埋去抽水,最後仲死得慘過肥仔成,肥仔成至多係豆泥嘅帝國主義侵略者,而你是黨內一小撮投機份子、潛在敵人、人民公賊、階級敵人、破壞黨內團結與及打著紅旗反紅旗,別有用心的壞份子!是故文章有學術的局限性,但同時亦有其連貫現實生活所隱藏的危險性,故不可不知也!記住!二大高手所奉行的是:「一切文化藝術都只能是為黨服務」!不過你還可以選擇退黨的!但,你可以嗎?

TOP

發新話題