數碼講-地產論壇 CyberTalk Real Estate

標題: 真係咁慘? [打印本頁]

作者: 明眼人 時間: 2008-7-12 18:44 標題: 真係咁慘?

(轉貼)
一名任職東九龍區某大行的經紀，因連續兩個月沒有促成交易，已申請停薪留職。他表示，最近獲悉公司口頭通知，若有人希望「放大假」可申請停薪留職，他鑑於市況靜，只靠底薪度日，倒不如趁機「放假」，故申請休息。

據他了解，公司提出有關建議，雖是自願性質，但相信與近期樓市吹淡風有關，公司或希望同事在此時休假，可達至節流效益。該行另一名高層直言，本月經營策略並不是要賺多少，而是盡量「蝕得少」為原則，若市況無改善，可能要裁員。

業界指樓市轉靜，大部份經紀都只靠底薪，本月更只有一成經紀能促成交易，故幾家大行本月隨時「蝕入肉」。以九龍灣德福花園為例，該區至少有 100 名經紀，但本月暫只得 1 宗買賣。近來二手樓確淡靜。雖然不少業主肯減價或擴闊議價幅度，但全港 10 大指標二手屋苑交投未見起色，首 11 日僅 90 宗成交。

業界認為，除了二手樓經紀面臨無生意而要「休假」外，一手樓經紀亦為「高危」份子，一些大行有多達三成經紀是專做一手盤，但近來無大型新盤推出、二手市場又淡，倒不如讓他們放假另覓收入。

作者: 明眼人 時間: 2008-7-17 20:41 標題: 地產悲歌

華人置業(00127)證實公司銷售經理任建華自殺身亡。

傳在任燒炭自殺的車內,發現任氏每日要搵錢度難關的銀碼.

作者: 笑傲江湖 時間: 2008-7-19 00:08 標題: 真係咁慘? 我唔信 !

無工返的代理, 不如到在'數碼講' 刊登招兵買馬的代理行試試, 聽聞他們做二手樓買賣情況好得多 ! 另外, 世紀21也在招兵買馬, 加盟商紛紛擴軍, 何妨一試, 起碼唔使做企街 !!

作者: 明眼人 時間: 2008-7-23 09:48 標題: 樓市低迷中原掀裁員潮

(轉貼)
樓市淡靜，現時近 2.3 萬個持牌地產代理，最少超過一半沒有生意，裁員危機隨時降臨。

最先睇淡樓市的龍頭代理行中原地產，亦率先掀起裁員潮。該公司將有逾百名前線經紀，成為首輪開刀對象，另有多達 600 人已接獲最後通牒，隨時被炒。同系的利嘉閣地產，亦正進行自然流失行動， 05 年後的代理淘汰賽再度出現。

作者: 笑傲江湖 時間: 2008-7-23 23:15 標題: 以正視聽 - 從業人數

明眼人兄, 人人都說2.3萬個持牌地產代理, 數字是真確無誤, 全港車牌有幾多? 請問是否人人做司機呢 ? 答案當不是!
根據 EAA非正式統計, 持牌人當中祇有1萬2千人左右真正執業做經紀, 所以有一半人持牌從來沒有執業!!
大行裁員主要是因為發展商不推一手盤, 因此,專做一手的經紀要裁走以免拖累利潤, 因此大唱大市差, 一半人無單開, 一來嚇嚇業主容易'落價', 二來名正言順裁切不曉做二手樓而專做一手的街霸!
結論: 做二手買賣的sales仍然有得做, 中小行隨時歡迎想轉做二手買賣的經紀加盟!!

作者: 明眼人 時間: 2008-7-24 10:43 標題: 中小型行食住上?

(轉貼1)

世紀21奇豐，董事李峻銘認為現時裁員屬不智做法，「我剛請多30人，以迎接奧運後的一手推盤潮」。

(轉貼2)

【明報專訊】由康怡花園到祐民街的一段英皇道長500米，開了超過10間地產舖。在魚涌經營地產20多年的洪先生看盡起落，大行的裁員潮從不令他感到有壓力。「個市是淡靜，但不會比SARS時差……細行靠街坊生意，街坊同員工關係密切，當然要好好對員工留住他們！」

新華地產負責人洪先生說，97年金融風暴前，這段路八成都是地產舖，後來只剩下他，「去年起開了幾間細行，美聯、中原更是並肩而開。」這段路有4對美聯、中原，還有3間中原旗下的利嘉閣和4間細行。

新華的經紀陳小姐說，今個月樓市「好靜」，每天只有一兩個客睇樓，相比今年1月有20宗成交，本月目前不足5單，而且大部分是租客，不及買賣樓宇好賺，但老闆從沒給予壓力。

洪先生說﹕「其實無論個市旺定淡，我們也不會賺很多，也不會餓壞。」他解釋，他們以街坊生意為主，經營區內樓價百多萬以下的舊樓，連套房亦有代理出租，甚至幫買家處理按揭及入伙後整水喉。他說營商之道就是服務態度﹕「對客戶好，對員工好，因熟客都是認住員工的樣子才回頭！」

他指大行成本高，「開舖都是旺位，廣告開支亦大，而且主要靠大屋和walk-in客，大部分是炒家，炒家容易受股市影響信心」。他對明年的市十分樂觀，「息口低多人買股票，股市好樓市就會好」，但他不鼓勵用家在升市時買樓。

作者: 笑傲江湖 時間: 2008-7-24 13:36 標題: 代理公開回應

大代理行經營困難之際，市場以為下一步會有中小型代理行「捱不住」，但事實卻剛好相反。中型代理行祥益地產總裁兼香港專業地產顧問商會會長汪敦敬表示，商會現有逾 20 名會員，涉及 400 間分行及逾 2000 名從業員，全都是中小型的地區代理，一直主力於二手市場。他指出，由於他們與大行不同，不需兼顧一手市場而要有大量開支，故今次樓市調整，對他們影響不大，暫時亦未收到有會員要「執笠」及裁員的消息，相反有 80% 會員需要增加人手及分行，且計劃先請 200 人，籌備下月舉行大型招聘會。

世紀 21 年底前增 1000 人另外，在港有逾 130 間分行的世紀 21 香港，其行政總裁吳

民直言，樓市雖靜，但大行裁員只屬個別事件，並強調集團營運良好，無裁員壓力，反而會趁機加快擴充步伐。他指出，由於過去兩年集團未有過度擴充，加上前線經紀一向不足，為了進一步加強市場覆蓋率，計劃增聘 300 人，希望在年底前，由現時 135 間分行，增至 180 間，員工由 1500 人，增加 1000 人，至 2500 名。
業內人士指出，大行早前因過度擴張才會引致目前困境。一手市場曾經是地產代理主要收入來源， 02 及 03 年一度有個別大行的九成生意來自一手市場。雖然 05 年開始代理已因應形勢，將一手盤經紀改為推銷二手樓，但人手仍然過剩，由於期間不時有新盤推出，故問題仍未出現。直至今年開賣新盤不多，近數月更只得數個單幢樓撐場，才終於引發出存在多年的問題。

作者: KGB 時間: 2008-7-25 10:10 標題: 中、小地產代理今次不領施真主嘢！

我KGB啱啱返克宮述職，順便到黑海曬太陽兼放埋D大假。情報顯示施真主近日借「十月事件」元氣大傷之際，又再藉一手市場淡靜嘅機會，打出生化戰皇牌，一於大吹淡風！首先高調宣布自「隊」！即係自行裁員100名，警告信600封（唔知我哋條針D sir有冇份？）。為求迫真，真主更cut去某些舖位，實行2合1（如荃灣大河道）！其實真主真正要cut嘅係1手team，2手team不過用作擺門，橫掂都係cut，真主一貫之作風就係想cut得有「賺」！點賺？既然cut的「傷心總是難免的」，不如就來個「魚死網破」，攬住一眾中小行一齊上路！

真主認真爛，講完行業有陋習！即係話地產代理嗰嗰都係壞人，佢肯企出來直認不諱，就自己先同自己洗底，話比全人類聽：我係壞人中嘅好人，起碼我敢勇於站出來話自己係壞人！馬上變成‘英雄本色’嘅周潤發，其他行家唔係立刻變為李子雄囉！但係，真主呢亭立論，係變相等於詹培忠話「嗰嗰女人都係雞」咁嘅邏輯！各位，你哋如果認為係「雞」，咁就冇得講咯！不過睇落今番大家都唔係「雞」，只不過係俾真主「屈」！

KGB做過好多調查，發現今次真主唔單止呢生化武器過時，仲發覺一眾中、小行已經買得起防生化器材！甚至識得利用「以生化對生化」的手段，有效反擊，實行我哋共產國際以故友人毛主席之「敵退我進」！施真主呢次除咗毒害到一D初出道嘅行家之外，連好多地產傳媒都中招，大幅幫佢宣傳，真係以為世界末日來了（開始倒數吧）！好在有的傳媒真係好醒，無俾真主利用當儍仔。好似公仔箱訪問美記，美記發言人梗係唔認同喇（仲未領得真主呢嘢夠？）！加埋上文笑傲江湖兄等一眾公開之言論，咁咪馬上沖淡晒真主D生化毒性囉！

其實真主真係鈍咗好多，上次響法庭門口，大唱行業有陋習，話口未完同埋一日，五會響EAA就馬上反彈！跟住又響自己張報紙話行家「講大話」！實行盲目地再扣行家業界、地監局、消委會、老廉等一眾帽子，甚至挑戰香港司法制度。可惜犯眾怒，除咗當場比法官教訓和罰重D之外，更比大家口誅筆伐圍剿！KGB懷疑佢深宮簡出得太耐，日日攤響張龍床處食葡提子（好似古羅馬呢皇帝咁），真係代入咗凱撒大帝，靜係聽聽埋埋呢啱聽嘅嘢，故此鈍晒。靜係搵傳媒笨讓傳媒作單邊正面報導呢招已經無乜孖屐喇（仲有傳媒領佢嘢？）！所以佢買起份報紙嘅策略係啱嘅，皆因唔多會有儍仔幫佢放毒氣！

[ 本帖最後由 KGB 於 2008-7-25 10:12 編輯 ]

作者: 笑傲江湖 時間: 2008-7-26 19:42 標題: 塑造真係禁慘! --開闢另類殺戮戰場

笑傲江湖今天下午收到料黃大仙匯豪山今午上演中x美x街霸互鬥, 打到爆光, 驚動警方, 不知 EAA知道否! 我要求eaa 嚴肅執法, 將敗壞代理聲譽的不法分子掃走, (我懷疑部分街霸是受聘打仔, 不單祇沒有牌照, 是要以黑社會色彩武鬥將正當的經紀趕走),希望有關當局及各地產商會正視, 不要側側膊!!

這樣下去, 想有人入行做經紀都幾難, 點樣可以'提高業界型象', 吸引新人入行, 吸引社團講打講殺分子就得, 正義的人, 請主持公道, 要求EAA從嚴查辦街霸!!

[ 本帖最後由明眼人於 2008-7-27 01:36 編輯 ]

作者: 如水 時間: 2008-7-28 01:48

引用:

原帖由 笑傲江湖 於 2008-7-26 19:42 發表
笑傲江湖今天下午收到料黃大仙匯豪山今午上演中x美x街霸互鬥, 打到爆光, 驚動警方, 不知 EAA知道否! 我要求eaa 嚴肅執法, 將敗壞代理聲譽的不法分子掃走, (我懷疑部分街霸是受聘打仔, 不單祇沒有牌照, 是要以黑社會 ...

若大行隻手可遮天的話，不單是地產代理的哀歌！
希望是誤會，是場夢！

[ 本帖最後由如水於 2008-7-28 01:49 編輯 ]

作者: 何斯人 時間: 2008-7-29 00:11 標題: 回覆 #10 如水的帖子

請勿悲歌！今天沒有人可以隻手遮天的！製造陋習者終會自食陋習其果！匯豪山流血事件如果能夠多些資料，估計就算沒有傳媒報導，也會在互聯網那麼發達的今天得到廣泛的流傳。甚至香港傳媒難以傳遞訊息的遠方，互聯網也可以傳達。正面點！今時今日，傳媒是不會不加倍努力的！對嗎？

作者: 如水 時間: 2008-7-29 22:10

引用:

原帖由 何斯人 於 2008-7-29 00:11 發表
請勿悲歌！今天沒有人可以隻手遮天的！製造陋習者終會自食陋習其果！匯豪山流血事件如果能夠多些資料，估計就算沒有傳媒報導，也會在互聯網那麼發達的今天得到廣泛的流傳。甚至香港傳媒難以傳遞訊息的遠方，互聯網也可以傳達。正 ...

最後都係明報夠咭士有良知，今日排眾而出劃破長空去報導，仲找埋 EAA 回應，唔係擦鞋，明報，好野！！

作者: 明眼人 時間: 2008-7-30 20:52 標題: 堅定流？

(轉貼）

香港置業行政總裁胡日發指出，今年開十間分行目標中，現已開設第五間位於荃灣萬景峰分行，原訂10間分行增不多於一百人計劃，現在增人手達50人，他相信，下半年一手供應少，二手樓則趨活躍。

作者: 明眼人 時間: 2008-8-15 02:14 標題: 男人之苦

近日經濟日報個地產網,終於搵到個長期廣告:

男人之苦,某隻前列線配方藥包搞掂!

唔通樓市變淡,多左前列線有問題既人睇地產網?

何斯人有冇興趣試下?

作者: 奪命老妖 時間: 2008-8-22 15:44

有冇人知道肥仔張的近況

作者: 明眼人 時間: 2008-8-22 16:17 標題: 回覆 #15 奪命老妖的帖子

聽講肥仔張成日係銅鑼灣伊利沙伯大廈３樓開通宵局。

作者: eric仔 時間: 2008-8-22 16:21 標題: 回覆 #15 奪命老妖的帖子

我剩知佢尚在人間, 不過佢在美孚條靚都話好久冇見佢.

作者: eric仔 時間: 2008-8-22 17:38 標題: 回覆 #16 明眼人的帖子

以前佢在美孚陶源開通宵局, 好久冇見佢原來係搬咗去伊利沙伯大廈３樓.

作者: eric仔 時間: 2008-9-2 22:59 標題: 回覆 #15 奪命老妖的帖子

肥仔張個拍擋森美黎去咗利仔做區經, 好似話新界, 有冇人知邊區? 照計新界東啲靚位又未輪到佢, 新界西d三煞位就大把, 屯門天水圍都有, 不過嗰頭好易吡祥仔溶咗！

祝:
森美good luck!

作者: 大興 時間: 2008-9-2 23:11 標題: 回覆 #19 eric仔的帖子

咁佢班靚喺未跟埋去?

作者: eric仔 時間: 2008-9-2 23:21 標題: 回覆 #20 大興的帖子

佢班靚一早走晒喇. 老尖班好以話連人帶鋪過底比波波18喎．

作者: 地先生 時間: 2008-9-2 23:23

波波18 ?
係乜o野 ?

作者: 大興 時間: 2008-9-2 23:29 標題: 回覆 #21 eric仔的帖子

人過咗就係人都知, 鋪好似冇喎, 你係未話沙田d舖?

作者: 地先生 時間: 2008-9-2 23:31

係唔係波叔開哥間 XX 18 呀?

作者: 地先生 時間: 2008-9-2 23:32

引用:

原帖由 eric仔 於 2008-9-2 10:59 PM 發表
肥仔張個拍擋森美黎去咗利仔做區經, 好似話新界, 有冇人知邊區? 照計新界東啲靚位又未輪到佢, 新界西d三煞位就大把, 屯門天水圍都有, 不過嗰頭好易吡祥仔溶咗！

祝:
森美good luck! ...

森美黎? 你o地知唔知佢係咩人? 我識某個經紀領教過 !

:@ :@

作者: eric仔 時間: 2008-9-2 23:34 標題: 回覆 #22 地先生的帖子

波波18 都唔識, 你一定未返過西九, 你返邊架?

www.18-property.com

作者: eric仔 時間: 2008-9-2 23:38 標題: 回覆 #23 大興的帖子

奧海間鋪呀,黑鬼冇揾你乜乜咩?

作者: eric仔 時間: 2008-9-2 23:39 標題: 回覆 #25 地先生的帖子

吋過馬jj

作者: 地先生 時間: 2008-9-2 23:41

引用:

原帖由 eric仔 於 2008-9-2 11:34 PM 發表
波波18 都唔識, 你一定未返過西九, 你返邊架?

www.18-property.com

haha, 真作假時假亦真, 你睇番我上面d 留言 !
聽講波波18蝕緊錢喎 !

你問我返邊區, 暫時唔講得住!
我的身份要保密啊, 你知啦,
施永青一直都好想知道 "地先生" 係邊個 !
因為我多次去信王文彥先生公開批評他的「無為而治」,
佢亦曾經o係公司月會上回應我對他的批評......
施永青都係老子 "道德經" o既fan屎,
即稍為有 "聞道學道" 啦, 相信佢又未至於會抽我出o黎o既 !
不過佢都好醒, 中原經歷 "非法回佣" 事件,
佢已經識得 "陰陽平衡", 整番個 "監察部" 同埋 "員工協會",
以安撫哥班對佢有不滿o既前線營業員......

[ 本帖最後由地先生於 2008-9-2 23:53 編輯 ]

作者: eric仔 時間: 2008-9-2 23:53 標題: 回覆 #29 地先生的帖子

施永青想你係邊個好易啫, 收買帮主未得囉 !

作者: 地先生 時間: 2008-9-3 00:06

引用:

原帖由 eric仔 於 2008-9-2 11:53 PM 發表
施永青想你係邊個好易啫, 收買帮主未得囉 !

老實講,上年我高調批評中原「無為而治」,
行外人或者唔知「無為而治」點樣失敗法,
簡單咁講, 我教各位, 比較中原和美聯兩間大公司的網頁設計,
就會看出一點端兒, 就會看出 "無枉管" 的情況下,
員工是如何運作的.

中原網頁十年如一日沒人打理, 數個專欄作廢愈時;
但係主要對手美聯, 求變求創新, 數據準, 資料足;
想當年, 市場有一手盤時, 中原居然無人Upload 資料上互聯網,
美聯網頁起碼快中原網頁3個星期就已經齊晒新盤資料(仲有短片) 卑網上用家收看,
仲有, 當時查 "網上樓盤", 用美聯個網好易用, 查成交又快,
用中原個網, 如果10個用家第一次用, 有9個半都會在中原網頁裡 "迷路"

後來我教各位比較中原美聯的網頁, 以拆穿「無為而治」真面目,
老施就亡羊補牢, 急急腳o黎一個中原網頁大革新 !

中原網頁之所以有今時今日呢個新面貌, 算我今日狂妄(並非自大),
沒有當日的批評, 試問今日各位中原同事, 又點好意思叫閣下的客人,
上中原網頁下載最新市場資訊?
以前? 我同事, 真係叫客人去美聯個網頁攞資料o架, 唔係講笑 !

"新中原網頁" / "監察部" / "員工協會" 成立以前,
其實我曾經多次去信王文彥先生, 批評施永青「無為而治」授權不當,
極端授權和盲目授權, 影響公司基層權益, 高層混水摸魚,
咁可能施永青唔聽啦.
到最後, 好不幸地, 中原真係踩中蕉皮 (非法回佣事件)
中原踩蕉皮之後, 老施先至成立"監察部"和"員工協會", 以安撫員工。

問：點解地先生要寫信卑在野股東王文彥而唔親自寫信卑施永青?

答：老施在公司的月會上, 曾有這樣疑惑過, 或者佢覺得地先生"手指拗出唔拗入" 啦,
老實講, 如果我直接寫信卑老施, 佢唔理會我篇 "論文" 乃意料中事, 因為佢出名乜都唔理, 咁我就白費心機喇.
愛之心責之切, 治重病要用猛藥, 我信任王文彥先生可救中原!

《易經》第四十二卦(風雷益) 有云：益之用凶事無咎
益之=某事變得好起來 ; 凶事=凶狠的手段
引申為：治重病要用猛藥, 藥之重不小於病之重。(俗語即：「菩薩心腸，霹靂手段」)
PS: 我唔係菩薩, 不過都唔想睇住中原死.

六三：益之用凶事，無咎。有孚中行，告公用圭。
譯文：增加受益，用來處理兇險的事情是不吉利的，也不會造成災咎，要有誠信，在中途祭祀公爵。
啟示：當求則求，不當求則不求。

[ 本帖最後由地先生於 2008-9-3 01:31 編輯 ]

作者: 幫主 時間: 2008-9-3 00:19

引用:

原帖由 eric仔 於 2008-9-2 15:53 發表
施永青想你係邊個好易啫, 收買帮主未得囉 !

1. 首先帮主不知地先生是誰;
2. 沒有人可以收買帮主, 施永青也不可以!

所有人放心於[數碼講]唱所欲言, 你放多幾條料上嚟, 遲Ｄ送條Banner給你公司。

作者: 地先生 時間: 2008-9-3 00:22

引用:

原帖由帮主於 2008-9-3 12:19 AM 發表

1. 首先帮主不知地先生是誰;
2. 沒有人可以收買帮主, 施永青也不可以!

所有人放心於唱所欲言, 你放多幾條料上嚟, 遲Ｄ送條Banner給你公司。

由始至終, 我都絕不擔心在 "數碼講" 暢所欲言,
我都有自己分析能力.

作者: 大姨媽 時間: 2008-9-3 00:27 標題: 回覆 #30 eric仔的帖子

我挑通眼眉，老早鎖定地先生匿藏位置，請移玉步到本網的自由論壇題為香港各區中, 最出名的細地產有? ( 例如太古城怡居 . . .)，地先生第５篇回帖賣花讚花香，路人皆知，估計已及時棄暗投明。地先生何許人，老施心裡有數！

作者: 何斯人 時間: 2008-9-3 00:28 標題: 回覆 #31 地先生的帖子

網頁也許只是冰山一角，問題的核心也並非是甚麼無為的標籤（只能夠說是標籤），而只是真主本質的問題！事實上，只要領導者能夠把公司在有更佳業績的同時，引領公司文化邁進一個正確而又不會跟社會大眾矛盾脫節的價值觀，那麼領導者標籤甚麼都問題不大！當然最好是終於不用標籤而是真材實學！

作者: 地先生 時間: 2008-9-3 00:31

引用:

原帖由 大姨媽 於 2008-9-3 12:27 AM 發表
我挑通眼眉，老早鎖定地先生匿藏位置，請移玉步到本網的自由論壇題為香港各區中, 最出名的細地產有? ( 例如太古城怡居 . . .)，地先生第５篇回帖賣花讚花香，路人皆知，估計已及時棄暗投明。地先生何許人，老施心裡有數！ ...

我的位置? 仍然是「潛龍勿用」

。
大姨媽要起我底哦 !

今晚好熱鬧, 好開心啊 !
希望愈來愈熱鬧啦

作者: eric仔 時間: 2008-9-3 00:44 標題: 回覆 #32 帮主的帖子

你送條Banner比我公司有乜用? 你同我入件凸海, 我保証晚晚寫條料上嚟,

話時話, 依家有件超荀, 上個月仲叫九條尾, 今日鋤到九條頭, 高, 又唔係頂, 搞掂包數碼講旺場, 我班兩件中仔上嚟放料, 放月會料, 包你個場刺激!　

作者: 幫主 時間: 2008-9-3 00:59 標題: 回覆 #34 大姨媽的帖子

大姨媽你太敏感吧! 難得地產界兩位文壇中人, 喜歡以文會友, 大家在虛擬世界裡擦身而過, 即使王先生與地先生惺惺相惜, 彼此欣賞, 包括地先生欣賞怡居, 也不代表地先生正效力怡居, 何況地先生仍掌握中原內情, 他應該還在中原...

作者: 地先生 時間: 2008-9-3 01:00

引用:

原帖由 eric仔 於 2008-9-3 12:44 AM 發表
你送條Banner比我公司有乜用? 你同我入件凸海, 我保証晚晚寫條料上嚟,

話時話, 依家有件超荀, 上個月仲叫九條尾, 今日鋤到九條頭, 高, 又唔係頂, 搞掂包數碼講旺場, 我班兩件中仔上嚟放料, 放月會料, 包你個場刺激! ...

"凸海" 哈哈, 美孚新村專有名詞

作者: 地先生 時間: 2008-9-3 01:03

引用:

原帖由帮主於 2008-9-3 12:59 AM 發表
大姨媽你太敏感吧! 難得地產界兩位文壇中人, 喜歡以文會友, 大家在虛擬世界裡擦身而過, 即使王先生與地先生惺惺相惜, 彼此欣賞, 包括地先生欣賞怡居, 也不代表地先生正效力怡居, 何況地先生仍掌握中原內情, 他應該還 ...

幫主:
呢個數碼講果真 "卧虎藏龍", 幫主也真心思縝密 !

大姨媽:
你連我幾多歲都未知, 都幾難估.

[ 本帖最後由地先生於 2008-9-3 06:44 編輯 ]

作者: 幫主 時間: 2008-9-3 01:15

引用:

原帖由 eric仔 於 2008-9-2 16:44 發表
你送條Banner比我公司有乜用? 你同我入件凸海, 我保証晚晚寫條料上嚟,

話時話, 依家有件超荀, 上個月仲叫九條尾, 今日鋤到九條頭, 高, 又唔係頂, 搞掂包數碼講旺場, 我班兩件中仔上嚟放料, 放月會料, 包你個場刺激! ...

你送條Banner比你公司, 等於你好大機會開張凸海啦! 你有沒有見, 萬事達那兩家, 日晚同你老板在Yahoo!鬥, 如果沒有單開, 佢地怎會花那麼多時間和資金成本, 你明不明?

作者: 地先生 時間: 2008-9-3 01:18

引用:

原帖由帮主於 2008-9-3 01:15 AM 發表

你送條Banner比你公司, 等於你好大機會開張凸海啦! 你有沒有見, 萬事達那兩家, 日晚同你老板在Yahoo!鬥, 如果沒有單開, 佢地怎會花那麼多時間和資金成本, 你明不明? ...

Yahoo!鬥 ? 有無link ?

作者: 幫主 時間: 2008-9-3 01:21 標題: 回覆 #42 地先生的帖子

有!

http://yahoo.property.hk/index.php?d=KLC

他們正在鬥, 十分鐘前與這一刻睇, 次序已不同了...

[ 本帖最後由帮主於 2008-9-2 17:35 編輯 ]

作者: 地先生 時間: 2008-9-3 01:36

引用:

原帖由帮主於 2008-9-3 01:21 AM 發表
有!

http://yahoo.property.hk/index.php?d=KLC

他們正在鬥, 十分鐘前與這一刻睇, 次序已不同了...

THX 幫主 ,

作者: 大興 時間: 2008-9-3 01:46

引用:

原帖由帮主於 2008-9-3 00:59 發表
大姨媽你太敏感吧! 難得地產界兩位文壇中人, 喜歡以文會友, 大家在虛擬世界裡擦身而過, 即使王先生與地先生惺惺相惜, 彼此欣賞, 包括地先生欣賞怡居, 也不代表地先生正效力怡居, 何況地先生仍掌握中原內情, 他應該還 ...

帮主好嘢! 果然非一般, 文武雙全!

作者: 地先生 時間: 2008-9-3 01:51

佢地仲鬥緊

作者: 幫主 時間: 2008-9-3 02:01 標題: 回覆 #45 大興的帖子

過獎! 於[數碼講]很久沒見你足跡了, 希望你多些上來, 上次講AK, 是明眼兄說你太過出位, 但我看還可接受, 不過這是Border Line了。

作者: eric仔 時間: 2008-9-3 02:13

引用:

原帖由 地先生 於 2008-9-3 01:51 發表
佢地仲鬥緊

唔睇唔知, 唔慌唔顛! 三更半夜仲update, 睇見就人都顛！

作者: 幫主 時間: 2008-9-3 02:27 標題: 回覆 #48 eric仔的帖子

你應該學習他們的心態, 視工作為娛樂, 就好像你現還在[數碼講]般過癮, 那你就好怏開張[凸海],
現在已經2時27分了...

Good Night!

作者: 大姨媽 時間: 2008-9-3 14:11 標題: 回覆 #40 地先生的帖子

傻豬，我打電話問王太就知啦！

作者: 如水 時間: 2008-9-3 18:01

引用:

原帖由帮主於 2008-9-3 02:27 發表
你應該學習他們的心態, 視工作為娛樂, 就好像你現還在[數碼講]般過癮, 那你就好怏開張[凸海]
現在已經2時27分了...

Good Night!

嘩！咁多人上來，好玩！

作者: 地先生 時間: 2008-9-4 01:30

引用:

原帖由如水於 2008-9-3 06:01 PM 發表

嘩！咁多人上來，好玩！

家陣又靜晒, 一時時,

何斯人上榜喎 ........................... 恭喜 !!!!!!!!!!

(click 下圖放大 )

[ 本帖最後由地先生於 2008-9-4 01:46 編輯 ]

作者: 如水 時間: 2008-9-4 07:13

引用:

原帖由 地先生 於 2008-9-4 01:30 發表

家陣又靜晒, 一時時,

何斯人上榜喎 ........................... 恭喜 !!!!!!!!!! (click 下圖放大 )

恭喜斯人！文章日益流傳廣泛，受惠日眾！

作者: 何斯人 時間: 2008-9-6 00:10 標題: 多謝！多謝！

大家太客氣了！
生命短暫，意義永恆。能夠有所貢獻，雖未能盡如人意，但亦覺無愧於心。

作者: linsiu 時間: 2008-9-8 23:40

引用:

原帖由 eric仔 於 2008-9-2 22:59 發表
肥仔張個拍擋森美黎去咗利仔做區經, 好似話新界, 有冇人知邊區? 照計新界東啲靚位又未輪到佢, 新界西d三煞位就大把, 屯門天水圍都有, 不過嗰頭好易吡祥仔溶咗！

祝:
森美good luck! ...

喂！去咗利仔好似唔係森美黎喎，係羅倫斯汪，返九龍東，返咗成個礼拜啦！

作者: 大興 時間: 2008-9-9 00:08 標題: 回覆 #55 linsiu 的帖子

我一早知eric條料唔堅喇, 不過我唔知samuel潛咗去邊啫, 有冇人知?

[ 本帖最後由大興於 2008-9-9 00:10 編輯 ]

作者: 射刁英雄 時間: 2008-9-9 00:28 標題: 美帝國落難將軍收容所

二奶閣繼工商收咗羅傑夫，東九又收羅倫斯，睇落森美都走不了。

[ 本帖最後由射刁英雄於 2008-9-9 00:37 編輯 ]

作者: 大興 時間: 2008-9-9 00:34 標題: 回覆 #57 射刁英雄的帖子

羅傑夫係邊位呀？

作者: 射刁英雄 時間: 2008-9-9 00:39 標題: 回覆 #58 大興的帖子

美帝國九董Jeff你都唔識，好打有限！

作者: 大興 時間: 2008-9-9 00:46 標題: 回覆 #59 射刁英雄的帖子

哦！早兩年話去讀書的國安書郎也...

thanks

作者: 名居 時間: 2008-9-13 17:48

肥張間嘢改咗名喎，有冇人知乜事？

作者: 大興 時間: 2008-9-13 22:17 標題: 回覆 #61 名居的帖子

改咗乜名, 快比d料上黎啦!

eric:
快同你大佬索索料!

作者: 明眼人 時間: 2008-9-17 20:21 標題: 索料

又傳中記大裁員,堅定流?

作者: 明眼人 時間: 2008-9-17 21:12 標題: 收風

好似以工商舖部為主.

作者: eric仔 時間: 2008-9-17 23:16 標題: 回覆 #62 大興的帖子

加個括號啫, 佢地話好多行家都喺咁喎, 唔使大驚小圣, 你上EAA都CHECK到啦!

XXXX(美孚),XXXX(西貢)

作者: KGB 時間: 2008-9-18 12:50 標題: 回覆 #64 明眼人的帖子

哈囉！明眼人同志，好狗未見，你好嗎？今早路斯陳上亞視公仔箱話佢哋正係搞緊「自然流失」，佢話响六月份至今已經「流失」咗一成人！佢又話六月開始已經交投淡泊，話捱咗三個月。依家突然又整單「金融海嘯」，一、二手都難做，尤其係豪宅重災到極，相信公司會再繼續「自…自然…流…流…失」多半成，即係到年尾流咗成半嘅失喇！將來都會集中番屋邨等中、下價樓為主咯。（得咩？揸開波子點坐巴士？）
KGB情報顯示，港島南區、山頂、半山、投資部、工商舖均為今次海嘯正面吹襲之地！調查所得，有豪宅經紀3個月都未開到一張單！另外有分行三人用一部電腦！唔係話佢買唔起腦，係一時之間，一、二手雲集一堂，加上二手本身响旺市扯行馬，正所謂炒都炒唔切！如果玩德國納粹佬一鑊過大屠殺果套，又驚員工鬧上勞工處。加埋果D中小行「一人一腳」，好似上鑊話集體處決700人，消息一出，無為教派（無為只是名稱，可能係遜尼派分支）真主即刻响新城台借咪有為講話冇呢咁嘅事！慌死走漏消息！仲以為佢又吹牛，滾行家到「齊齊哈嘢」玩裁軍，完來堅料，不過就將集體處決美其名為「自…自…自…流…流……流…失」，果然郁咗15%人！不過記住呢個係官方數字，實際數字應該起碼乘2！如果係咁嘅話，咪啱啱好700左右囉！計埋佢响二個月前講話郁人到而家仍繼續「流失」，應該冇1000都唔會少過900件！仲有，點解路斯陳口窒窒？話說上鑊捉錯真主路，講咗真相出嚟變成新聞，被真主用「無為」極刑柄到阿媽都唔認得！（梗係！要搞到真主現身响新城台用無為大法而去有為澄清，搞到無為記招牌都幾乎比街坊睇穿係A貨，真主都幾乎要「摩托羅拉」，點唔柄你！）…仲未係到戲肉…！

[ 本帖最後由明眼人於 2008-9-18 16:21 編輯 ]

作者: 大興 時間: 2008-9-19 23:29

引用:

原帖由 eric仔 於 2008-9-17 23:16 發表
加個括號啫, 佢地話好多行家都喺咁喎, 唔使大驚小圣, 你上EAA都CHECK到啦!

XXXX(美孚),XXXX(西貢)

好似搞特許經營喎,　十足世比XX(將軍澳), 世比XX(大古城), 同亚碌爺搶飯食? 過癮！！！

[ 本帖最後由大興於 2008-9-19 23:31 編輯 ]

作者: 地先生 時間: 2008-9-20 00:57

引用:

原帖由名居於 2008-9-13 05:48 PM 發表
肥張間嘢改咗名喎，有冇人知乜事？

肥仔張? 我收到風, 佢最跑得哥條team 離開o左佢, 因為對管理層極度不滿,
全部人去晒 "波波地產", 肥仔張知大勢已去, 加上市靜, 索性收爐 !

SML 又係姦人一名, 相由心生, 據聞有人離肥仔張而去, 都因為 SML 唔知做過咩o黎,
搞到d 人好唔妥佢.

作者: 大興 時間: 2008-9-24 23:26

引用:

原帖由 射刁英雄 於 2008-9-9 00:28 發表
二奶閣繼工商收咗羅傑夫，東九又收羅倫斯，睇落森美都走不了。

羅傑夫期星一起調去香港做大董, 睇晒香港區, 九龍羅倫斯推咗阿笠剩睇西九, 其它佢睇晒, 肥張間野手尾已清, 肥張馬在二奶閣全部到位, 英皇7000, 肥張揸旗可能堅...

歡迎光臨數碼講-地產論壇 CyberTalk Real Estate (http://cybertalk.property.hk/)