發新話題
打印

冰河時期來臨? (冰河言論對對碰)

令人難忘的一頁

十月一日國慶當日, 我打開份蘋果港聞頭條標題是:
冰河時期 滅絕地產經紀
施永青:我啲手足仲未知死

我不禁心一寒, 莫非我眾地產經紀的命運就如AIA基金經紀般悲哀, 今旁晚,伙記說有兩台客睇咗個劈價盤, 仲猛咁問D業主落價落成點?有乜跳樓貨? 回想過來, 應多謝「金融海嘯」,  多謝蘋果出位標題「滅絕地產經紀」,多謝 施永青的「冰河言論」,嚇死班業主, 否則班業主怎會咁快劈價, 仲以為D樓仔好似山頂樓會升破97。 講真的, 交投癱瘓咗3個月了, 如果班業主仲唔落價, 就真係「滅絕地產經紀」,

除咗多謝蘋果出位的標題「滅絕地產經紀」, 也要多謝帮主個網, 日日新聞清一色刊載悲觀、負面、唱淡、下跌等報道,  等班業主、炒家陪經紀一齊心驚膽跳!

TOP

引用:
原帖由 何斯人 於 2008-10-4 12:07 發表
施永青的災難便好像今日美國財金機構的災難,四個字:「短視貪婪」!施永青的無恥更像美國政府的無恥,四個字:「齊下地獄」!不過施永青比美國政府贏多一項無恥,那便是傾力有為地宣傳「冰河時期」的恐怖,實行在業界的心理格局上,打 ...
支持何斯人!

美國倒下,難道沒有新的大國崛起嗎!?

如果大行和細行面對逆境的態度一樣,這麼新勢力又如何後來居上!?

83年香港前途問題、87年股災、89年六四事件、及90年左右的第一次波斯灣之戰,相信中原也是逆流而上開分行的,否則如何成為最大行?如果當時唔夠進取相信沒有今日的中原!

為何今次要不同?因為當時的中原是冒升,今天顯示不是,逆市中是進是退,不是看數據是看業績及能耐!



[ 本帖最後由 如水 於 2008-10-5 01:23 編輯 ]

TOP

引用:
原帖由 何必苦 於 2008-10-4 08:36 PM 發表
虛心問一問地先生,參考一下美聯的看法:

“另 一 間 龍 頭 地 產 代 理 行 美 聯 物 業 , 董 事 總 經 理 ( 企 業 事 務 ) 葉 潔 儀 近 日 已 發 出 預 警 , 表 示 年 底 前 業 內 會 有 數 以 千 計 從 業 員 流 失 , 該 集 團 亦 有 必 要 控 制 成 本 開 支 , 更 不 排 除 重 整 分 行 網 絡 以 控 制 資 源 。”

若有任何冒犯,請多多包容。
能在【數碼講】以文會友, 實屬榮幸, 又那裡冒犯呢 ?

美聯話:「年底前有數以千計從業員流失」, 我認為,
如果事實係咁, 就講得太過誇張囉 !
( 還記得當年市旺, 發展商高調減代理一手佣金, 黃建業亂發盈警被外間批鬥的事件, 美聯1200跌價, 但最後有人低位入貨囉! )

中原, 美聯, 利嘉閣, 港置, 如果要 "炒人",
係要賠錢卑前線從業員架, 或者早一個月通知叫人地走囉.

當營業員收到公司的炒魷信「喂, 你做埋呢個月啦!」,
老實講, 唔排除有員工會o係呢一個月內, 盡快偷走晒公司D 盤口資料, 預備過檔喎.(或者報復啦)

所以, 大公司甚少主動炒人(靜市都係咁話), 除非前線經紀做錯o野非炒不可, 否則, 佢地都唔想有經紀偷盤過檔啦,
姑且就當大公司真係要炒人喇, 佢o地一慣做法, 係想你快D走, 最好即日走添.
(其實大公司唔想今日炒你, 仲要貼埋錢卑你走, 咁你咪好著數囉!)
如果員工自願即日走, 咁大部份公司都唔駛員工補錢, 佢地通常係扣晒你仲未曾放哥D 大假就算數, 大家好來好去 !

仲有, 其實地產經紀離職大行時, 都會有不成文規定
(當然係違反勞功法例, 如果經紀告公司, 公司咪以後唔卑你食回頭草返去做囉, 大家玩鬥大咋嘛) :

1) 如果你離職時, 仲有買賣雙方未完成交易o既 CASE, 咁即係未收佣金啦, 公司會扣離職經紀佣金的30%.
2) 離職員工, 半年之內不得在同區做地產經紀, 否則違反 "restraint of trade" 的原則.
以上兩項係大行剝削基層員工的一慣技倆, 如果大公司在靜市時炒人, 話唔定有地產經紀因對公司不滿,
而集体爆發 "騷亂" ,甚至會對公司過往剝削員工的行為進行清算 !
(家陣D 經紀係幾團結, 遇o左唔食回頭草, 仲上勞工處告公司添, 據朋友親身經歷, 被無理扣起的薪金, 100% 成功追討, 公司過數卑勞工處, 再由勞工處過數卑番個經紀.)

我猜測, 大公司會考慮上述的可能性,
所以我的結論係:

大公司雷聲大雨點小,
除非迫不得已,
否則, 大地產代理公司係傾向員工自己跑唔到數,做到無心機做,
跟住自動消失, 大家好來好去, 唔好搞咁多o野.

大公司唔會在市靜時亂落order 叫管理層「交人」,
因為佢o地最驚基層員工一齊反枱, 咁公司就大穫喇!
( 你知啦, 大公司都會剋扣前線勞工假期, 8號風球又唔卑早收工, 或者有大董私下吩咐無單開的經紀在月尾時要卑一仟蚊 "留位費")


有數以千計從業員要卑人炒?
一定唔會囉, 多數case 都係哥d 經紀自己話要辭職唔做 !

仲有! 反正辭職無o野做, 又唔知做咩,
市場上D 經紀o既心態, 都應該係 "爻住份老底先啦",
靜市時, 相信哥班仲未搵到其他o野做的經紀, 有得逗住份都底都唔會走住, 總之捱得一時得一時 !

我認為, 年底聖誕節前唔易轉工,
大致上係, 數以千計從業員在2009年3月前會自動流失 !

美聯在每一次靜市時, 唔敢講個市靜, 次次都係等施永青開o左口先,
咁佢地美聯先夠膽話個市靜, 仲要跟尾狗, 又話自己睇得通睇得透 . . . . . .

明白未 ???

[ 本帖最後由 地先生 於 2008-10-5 02:53 編輯 ]
地先生

TOP

引用:
原帖由 如水  於 2008-10-5 12:18 AM 發表

支持何斯人!
美國倒下,難道沒有新的大國崛起嗎!?
如果大行和細行面對逆境的態度一樣,這麼新勢力又如何後來居上!?
83年香港前途問題、87年股災、89年六四事件、及90年左右的第一次波斯灣之戰,相信中原也是逆流而上開分 ...
老實講, 次按風暴唔係小事囉, 今次 "金融海嘯", 係成個資本主義出問題,
全世界無一個地方係孤島.
全個世界, 最唔受次按影響的地方, 應該係北韓 !

後市升升跌跌, 定係小跌大跌, 各家有各家說法, 呢樹無人有水晶球,
邊個推測得準確, 取決於佢對 "金融海嘯" o既睇法, 對"次按風暴" o既認識,
對中國經濟的了解, 中國對香港的影響, 及對香港未來的信心度 !
簡單來講,  你的 "第六感" 可能係一個考慮因素 !
(地先生可能係市場上第一個提出用 "第六感" 測市的人)

既然無人有水晶球, 各人自有不同睇法,
小弟早幾日心血來潮,
已去信王先生講o左自己對 "金融海嘯" o既睇法.  




[ 本帖最後由 地先生 於 2008-10-5 03:09 編輯 ]
地先生

TOP

引用:
原帖由 地先生 於 2008-10-5 02:47 發表



老實講, 次按風暴唔係小事囉, 今次 "金融海嘯", 係成個資本主義出問題,
全世界無一個地方係孤島.
全個世界, 最唔受次按影響的地方, 應該係北韓 !

後市升升跌跌, 定係小跌大跌, 各家有各家說法, 呢樹無 ...
地先生,同你交流,有意思!!

但唔需要水晶球!
我認為美國死梗,中國也一定扑直!
如有任何看好幻想的人,是太天真而已,
地先生你在大行做,所以唔明,中小行老闆無人需要市道好番(起碼我班兄弟係咁),
每一次市差,當然大家也辛苦,但你問下老妖、江湖仔...他們也會有『機會來臨』的興奮,我們是有刀頭舐血的奮鬥心!也有逆市賺錢的能力!
水晶球,不需要了!
市道好番,唔需要了!


[ 本帖最後由 如水 於 2008-10-5 17:23 編輯 ]

TOP

回覆 #9 何必苦 的帖子

何必苦, OVER, OVER, 唔知你同老C有無接觸? 請你打聽下佢有無D荀租靚鋪要收檔,我聽聞無'亂開鋪'果D中小行老細有興趣連生財器具一齊頂手, 依家講'環保', 不如你做個中間人, 將佢D'快要執笠'荀鋪係數碼講平台公開俾大家選購頂讓, 你分分鐘有機會收到高佣, 一舉兩得!!

TOP

回覆 #16 笑傲江湖 的帖子



[ 本帖最後由 何斯人 於 2008-10-8 01:37 編輯 ]

TOP

轉載會長的話 :
引用:

冰河時期如何渡過


汪敦敬

2008 年 10 月 5 日



有大行宣告將會裁員及減少分行達最高五成!那麼細行如何自處?是否應追隨減少分行及人手?本會絕不同意!我的理據如下:

根據何斯人2008年9月24日在信報《代理人》專欄中「地產代理業格局」一文章的理論,代理業已三分天下!中原(包括利嘉閣)、美聯(包括香港置業)及近年團結了的中小型行(透過商會及網上平台具體化團結),已成為三個利益陣營!

在大量收縮分行的陣營來說,當然希望其他陣營也相對「裁軍」,以保持天下三分的均勢!而事實上,遇上海嘯或所謂「冰河時期」,無論大、中、小代理行老闆也應量力而為的,不過我提醒各位同業:細行的生存空間一直是從大行犯錯及虛弱點搶過來,也即是說在本質上,是「大行弱,我們便上」的!

有一故事,說有兩個人在沙灘上遇上老虎,亞甲目瞪口呆,亞乙則立刻奮力狂奔逃命,於是亞甲問亞乙:「喂,我地點夠老虎跑得快呀?」亞乙回答說:「對不起,我不是要與老虎鬥快!我只是認為,我可以跑得快過你!」最後,亞甲當然很快便被老虎吃了,而亞乙便在老虎吃亞甲時有了逃命的空間及脫身的機會!

無錯,現在我們不是(也不應)和市場對抗,我們應以「接收」對手收縮的分行,然後將自己較弱的分行放棄!要「攻」不一定要加舖,強化紀律,公司文化,組織等也是進攻!

所謂「冰河時期」,我覺得中小行不要受其驚嚇而失去鬥志,不要追隨大行的音樂跳舞,量力而為,總之進取搶市場!

在商會的立場來說,我們會推廣逆市求進的奮鬥理念,我們也會舉辦聚會,匯聚群雄!共同研究新的經營模式!令中小行在金融海嘯轉危為機,進一步強化實力!

TOP

市道好,好比打仗.在風和日麗的大草原上,對手有重型坦克,B52轟炸機,來協助作戰.我們只可以建立古芝地道隱藏自己,逃被戰火,保存性命
巿道差,好比在沼澤森林中橫風橫雨,雷電交加.在這環境下,也和古芝地道三呎高兩呎闊不相上下,而對手在這環境下,沒有飛機,坦克協助下,和我們決戰,不知誰勝誰負?

TOP

回覆 #19 奪命老妖 的帖子



[ 本帖最後由 何斯人 於 2008-10-8 01:37 編輯 ]

TOP

發新話題