發新話題
打印

知行合一

知行合一

有地產老尊評估,今次樓價調整,極可能超過50%,也有機會跌得勁過沙士的跌65%.

所謂知行合一,大家認為這位老行尊,會否盡沽手上所有物業?

TOP

我諗唔會, 老行尊沽唔沽清手上的物業, 都係一位富翁,
我認為佢的物業組合應作長線收租, 因為即使盡沽, 對佢生活都無影響.

曹仁超有話, 世界上最富有的人, 假設有2000億身家, 海嘯無o左1000億, 自己個倉都仲有1000億, 對生活無影響, 最多係肉痛.

但老實講, 跟據每一次全球衰退或大蕭條, 樓價跌40% 以上係好正常,
即使無跌65% 咁多, 我覺得計算埋2009年中國或香港會遇到的經濟問題 (如失業, 大公司執笠 . . . ),
樓價跌35% 係意料之內, 跌50%唔奇 . . . ..  .

[ 本帖最後由 地先生 於 2008-10-18 21:09 編輯 ]
地先生

TOP

回覆 #2 地先生 的帖子

不過,老行尊話:

沒來得切將手中物業出售的賣家該怎辦?那得看你怎樣評估未來市道,若果你同意現時樓價的未來跌幅在30%或以上,你應當立刻減價促銷,較市價平10至15%售出,仍不失為明智之舉。縱有租金收入,樓價的不斷萎縮仍是實實在在的虧損,死守祇顯示你不肯面對虧損。若果你有資金壓力,更應趁早行動,否則,將來在更低市價下被銀行或債權人逼倉強制出售,形勢就更不妙。

TOP

引用老行尊說話:
A: "若果你同意現時樓價的未來跌幅在30%或以上,你應當立刻減價促銷,較市價平10至15%售,仍不失為明智之舉"
B: "縱有租金收入,樓價的不斷萎縮仍是實實在在的虧損,死守祇顯示你不肯面對虧損。"


地先生回應A:

原則上無錯, 要在呢個時間出貨, 業主都唔好當買家傻仔啦,
老實講, 你個盤又唔係平(市價更加唔駛諗), 我做乜要買你? 好明顯, 以市價賣盤, 即使樓價比2007年高峰期低10% 都吸引唔到買家.
(問心, 旺市哥陣, 業主咪又係封盤反價再反價, 賣得好價仲唔肯比地產佣, 玩得太串。時移世易, 業主大時代已過, 依家係時候買家挫價報復, 經紀要業主卑佣先幫佢出貨, 以一雪前恥, 一笑.)

業主今日蝕錢跳船走人, 第日應可以用更平的價錢買番, (如樓價在未來日子要大幅度向下調整的話, 例如30%以上),
用以補償今日跳船的損失, 原則上正確, 但我想補充多兩句 . . . . . .

地先生的數學題:
1) 假設業主今日賣樓(市價), 再用市值租金租用同類單位, 一年租金等於樓價4%, 如租用兩年, 即8% (8%係蝕o左出街收唔番)
2) 承上(1), 假設樓價由今日起, 跌少少, 例如於兩年內只跌了10% 便見底, 那麼, 今日業主賣樓便係多餘了.
3) 假如樓價在未來日子跌30%, 40%, 50%或更多, 如果由業主變租客, 咁就諗得過喇, 因為交租而蝕出去收唔番o既錢, 加埋都唔夠樓價跌幅咁多.

續.............

[ 本帖最後由 地先生 於 2008-10-20 00:15 編輯 ]
地先生

TOP

發新話題