發新話題
打印

戒色可抵女禍乎?

戒色可抵女禍乎?

有朋友問斯人要否戒色?因為色不僅影響家庭,還會影響事業,即所謂女禍!不過斯人所知,色乃自然之物,中國人嘅傳統文化有所謂『七情六欲』。七情係:「喜、怒、哀、惧、愛、惡(厭惡)、欲(欲望)」,六欲則是:「色、聲、香、味、觸、法」。故此,作為入世之人,斯人唔係點明,何解要戒色?難道要厭世乎?

所謂要「戒」者,引伸二類情況,第一,所要戒者,必定是一種遺反生理或遺反自然的有害事物,例如吸毒;第二,凡縱或從之則害一類,亦雖要戒!所以中國文化中《禮記‧曲禮》中有幾句嘢:『傲不可長,欲不可從,志不可滿,樂不可極』。讀者諸君,但請留意,不縱欲,並非表示要人不欲!孟子亦叫人寡欲,不是無欲,也不是縱欲,而是少欲,即係慳慳地駛!欲則不可戒,縱欲則要戒。此為二類耳。

女色係唔係毒品?或者咁樣講,毒品就肯定係人都害得到。但係,女色,禍唔禍到閣下呢,就真係好因人而異過噃。換句話講,係睇閣下自已嘅修為、道行同埋素質!公共場所嘅空氣夠多細菌啦,又唔見人人中招?

細菌入唔入到閣下,係閣下體質嘅問題,女禍唔禍到閣下,係閣下修為嘅問題!講到呢度,斯人又想引用孟子,懶一懶,實行copy and paste  (順帶一提,do not use 'place' this word here,place is a noun in this occasion and that is an inadequate using)。『……故天將降大任于是人也,必先苦其心志,勞其筋骨,餓其體膚,空乏其身,行拂亂其所為,所以動心忍性,增益其所不能。人恆過,然後能改。困于心,衡于慮,而後作。征于色,發于聲,而後喻。入則無法家拂士,出則無敵國外患者,國恆亡。然後知生于懮患,而死于安樂也。』

所以斯人認為,要唔俾細菌入侵,唔係戒去公共場所,而係要增強體質。要唔讓女禍入侵,就唔係戒色、避色咁鬼理論化,而係要增強悉色!乜嘢叫做悉色呀?洞悉女色謂之悉色!識色而後悉色。就好像聞說長江三峽流水最湍急之處,有块巨石橫陳于中,有好心有識之士上刻:『迎我來!』三字,有人唔信,結果船毀人亡就係咁嘅道理(唔係施真主果D,唔appropriated嘅,教大家响紐西蘭峽灣亂播種子果亭以假亂真,弄虛作假嘅A貨金魚嘢,既愚弄視聽害人,又話非所題嘅例子)。

窃以為,出世先入世,學佛先學俗,類仙先類凡,學好先學壞(不是事壞),要做聖賢必先了解市井地痞,深宮簡出象牙塔,何來聖賢?孔子曰:『知我者《春秋》,罪我者《春秋》』便是這種邏輯矣。

戒色?不過係治標之道矣!


[ 本帖最後由 何斯人 於 2007-8-12 13:56 編輯 ]

TOP

發新話題